கூடி வாழ்தல் எங்கே ?
மாவிடிக்கசின்னம்மா
அதை அரித்துப்போட
பெரியம்மா ,
அரித்தமாவை வறுத்தெடுக்க
பக்கத்து வீட்டுபாட்டி .
தொலைந்துபோயின இவை இங்கு .
நெல்லு விதைக்க
களைபிடுங்க எங்கள் மாமி ,
அறுவடை
ஊர் கூடி முடித்தது .
பொலிந்தவாழ்வுதொலைந்த்தது .
சுற்றம் சுகம் கேட்க்க
எங்கவேலிகள்
பொட்டொன்று வைத்திருக்கும்
அவ்வழியால் ஊர் சுற்றிவருவோம்
உறவின் வழிகள் அடைக்கப்பட்டன .
நிலமுற்றத்தில்
அம்மா கதை சொல்ல ,
சுற்றம் கூடி ஆமாப் போடும் .
வெற்றிலைதாம்பூலம் நகரும்
கல்யனவயதினருக்கு ,
ஊர் சேர்ந்தது
மாப்பிளை , பெண் தேடும் !
பக்கத்து தெருவிலிருந்தது
பந்தல் போடஆள் வரும்
பலகாரம் சுட
சொல்லாமல் கூடும் உறவுகள்
மதியம் என் வீட்டுச்
சோற்றோட ,
முன் வீட்டுக் குழம்பும் ,
பின் வீட்டுப் பொரியலும்
மணக்கும் .
இன்று
உடனடி அப்பம் தோசை மா ;
உடைத்துகல்மண் நீக்கிய அரிசிப்பொதி
விதைக்க அறுக்க இயந்திரம்
வேலைக்கு ஆட்கள் சம்பளத்துக்கு
எங்களுக்கும் அயலுக்கும் இடையே
உறவறுக்கும் மதில்கள் .
முகப்புத்தகத்தில் தொலைநகலில் ஜாதகம் ,
பெண்பார்ப்பு ,
மண்டபத்தில் திருமணம் .
அரைநாளோடு அந்தசடங்கும்
நிறைவடையும்
தொலைக்க முடியாதவை
தொலைந்தது போயின
by திருமதி . ஸ்ரீலெக்கா பேரின்பகுமார்
No comments:
Post a Comment